ចិញ្ចឹមនឹងដោះសង្គ្រោះនឹងបាយ ពុកម៉ែនឿយកាយចិត្តឥតល្ហើយល្ហែខាំមាត់តស៊ូមិនថ្ងូរត្អូញត្អែរ ផ្តល់ទឹកចិត្តស្នេហ៍ដល់កូនកល្យាណ ។ ទឹកដោះអ្នកម៉ែថែកូនធាត់ធំ កូនរស់សុខដុមជួបជុំសុខសាន្តគុណធំធេងណាស់វាល់វាស់មិនបាន កូនបន្ទន់ប្រាណគោរពវន្ទា ។ ដុំបាយពំនូតម៉ែពូតបញ្ចុក កូនចារឆ្លាក់ទុកជាប់ក្នុងទ័យា ជាពំនូតបាយលាយធម៌មេត្តា ថែមក្ដីករុណាមេត្រីស្នេហ៍ស្និទ្ធ ។ដុំបាយពំនូតពុកពូតបញ្ចុក កូនច្នៃដាប់ទុកក្នុងវិហារចិត្ត បាយក្លាយពីញើសឈាមពុកពិតៗ កូនសូមផ្ងង់ផ្ចិតប្រណីតប្រណម្យ ។ ពេលម៉ែមិននៅពុកត្រូវរងរ៉ាប់ ការងារយ៉ាកយ៉ាប់ពុកខន្តីខំទន់ភ្លន់ខុសម៉ែតែចិត្តឧត្តម កូនថ្វាយបង្គំគុណលោកទ្វេហា ។ពីទារករស់នឹងទឹកដោះម៉ែ ក្រោយដប់ពីរខែរស់នឹងអាហារបានពីញើសឈាមមាតាបិតា កូនលើកហត្ថាគារវៈបង្គំ ។ទឹកដោះដុំបាយញើសឈាមម៉ែពុក ផ្ដល់ជីវិតសុខសោមនស្សមនោរម្យជ្រៅវែងខ្ពស់ធ្ខន់គុណធំសែនធំ កូនប្រមូលផ្ដុំទុកលុះមរណា ៕ ដោយឧបាសក ហ៊ិម ឆាន់ទឹកដោះជាឈាមរបស់អ្នកម៉ែចិញ្ចឹមថ្នមថែកូនឱ្យបានរស់ថែមមេត្តាធម៌ពុកម៉ែអនុគ្រោះដោយចិត្តស្ម័គ្រស្មោះកូនគោរពគុណពីតូចដល់ធំពុកម៉ែចាំជួយបញ្ហាទុក្ខព្រួយម៉ែពុកដោះសារយកទ្រូងយកខ្លួនប្រឹងប្រែងការពារកូនក្រាបវន្ទាគោរពគុណនេះពុកម៉ែស្នេហ៌កូនពេញបរិសុទ្ធស្មោះស្ម័គ្របំផុតហ៊ានគ្មានភ័យភិតកាយវាចាចិត្តប្ដូរទាំងជីវិតភក្ដីស្នាលស្និទ្ធស្នេហ៌គ្មានព្រំដែន ប្អូនចេះតិចតួច ទេបងប្រុសបើឃើញមានខុសបងមេត្តាជួយកែតម្រង់ប្អូនផងណាឲ្យត្រូវតម្រាពីបូរាណ ។ទី១ ចិត្តខ្លៅខ្មៅខ្លោចខាងខុស២ ពាក្យទ្រគោះបោកបោះសំដី៣ ប៉ះពាល់កាយម៉ែពុកប្រណីអមាទោសអភ័យកូនប្រុសស្រីផង !!!ទឹកដោះដុមបាយអ្នកម៉ែលោកពុកគឺជាជង្រុកផ្ទុកសុឆន្ទៈមេត្តករុណាភក្ដីស្មោះស្មគ្រកូនសូមគារវៈគូណធំធែងនេះ ។ដេះដូងពុកម៉ែ ព្រួយចិត្តគ្មានល្ហែបើកូនសុំអ្វី ពុកម៉ែគ្មានប្រាក់ទិញឱ្យបុត្រថ្លៃ ឈឺចាប់ពេកក្រៃនឹងវាសនាទាប ។
ចិញ្ចឹមនឹងដោះសង្គ្រោះនឹងបាយ
ReplyDeleteពុកម៉ែនឿយកាយចិត្តឥតល្ហើយល្ហែ
ខាំមាត់តស៊ូមិនថ្ងូរត្អូញត្អែរ
ផ្តល់ទឹកចិត្តស្នេហ៍ដល់កូនកល្យាណ ។
ទឹកដោះអ្នកម៉ែថែកូនធាត់ធំ
កូនរស់សុខដុមជួបជុំសុខសាន្ត
គុណធំធេងណាស់វាល់វាស់មិនបាន
កូនបន្ទន់ប្រាណគោរពវន្ទា ។
ដុំបាយពំនូតម៉ែពូតបញ្ចុក
កូនចារឆ្លាក់ទុកជាប់ក្នុងទ័យា
ជាពំនូតបាយលាយធម៌មេត្តា
ថែមក្ដីករុណាមេត្រីស្នេហ៍ស្និទ្ធ ។
ដុំបាយពំនូតពុកពូតបញ្ចុក
កូនច្នៃដាប់ទុកក្នុងវិហារចិត្ត
បាយក្លាយពីញើសឈាមពុកពិតៗ
កូនសូមផ្ងង់ផ្ចិតប្រណីតប្រណម្យ ។
ពេលម៉ែមិននៅពុកត្រូវរងរ៉ាប់
ការងារយ៉ាកយ៉ាប់ពុកខន្តីខំ
ទន់ភ្លន់ខុសម៉ែតែចិត្តឧត្តម
កូនថ្វាយបង្គំគុណលោកទ្វេហា ។
ពីទារករស់នឹងទឹកដោះម៉ែ
ក្រោយដប់ពីរខែរស់នឹងអាហារ
បានពីញើសឈាមមាតាបិតា
កូនលើកហត្ថាគារវៈបង្គំ ។
ទឹកដោះដុំបាយញើសឈាមម៉ែពុក
ផ្ដល់ជីវិតសុខសោមនស្សមនោរម្យ
ជ្រៅវែងខ្ពស់ធ្ខន់គុណធំសែនធំ
កូនប្រមូលផ្ដុំទុកលុះមរណា ៕
ដោយឧបាសក ហ៊ិម ឆាន់
ទឹកដោះជាឈាមរបស់អ្នកម៉ែ
ចិញ្ចឹមថ្នមថែកូនឱ្យបានរស់
ថែមមេត្តាធម៌ពុកម៉ែអនុគ្រោះ
ដោយចិត្តស្ម័គ្រស្មោះកូនគោរពគុណ
ពីតូចដល់ធំពុកម៉ែចាំជួយ
បញ្ហាទុក្ខព្រួយម៉ែពុកដោះសារ
យកទ្រូងយកខ្លួនប្រឹងប្រែងការពារ
កូនក្រាបវន្ទាគោរពគុណនេះ
ពុកម៉ែស្នេហ៌កូនពេញបរិសុទ្ធ
ស្មោះស្ម័គ្របំផុតហ៊ានគ្មានភ័យភិត
កាយវាចាចិត្តប្ដូរទាំងជីវិត
ភក្ដីស្នាលស្និទ្ធស្នេហ៌គ្មានព្រំដែន
ប្អូនចេះតិចតួច ទេបងប្រុស
បើឃើញមានខុសបងមេត្តា
ជួយកែតម្រង់ប្អូនផងណា
ឲ្យត្រូវតម្រាពីបូរាណ ។
ទី១ ចិត្តខ្លៅខ្មៅខ្លោចខាងខុស
២ ពាក្យទ្រគោះបោកបោះសំដី
៣ ប៉ះពាល់កាយម៉ែពុកប្រណី
អមាទោសអភ័យកូនប្រុសស្រីផង !!!
ទឹកដោះដុមបាយអ្នកម៉ែលោកពុក
គឺជាជង្រុកផ្ទុកសុឆន្ទៈ
មេត្តករុណាភក្ដីស្មោះស្មគ្រ
កូនសូមគារវៈគូណធំធែងនេះ ។
ដេះដូងពុកម៉ែ ព្រួយចិត្តគ្មានល្ហែ
បើកូនសុំអ្វី ពុកម៉ែគ្មានប្រាក់
ទិញឱ្យបុត្រថ្លៃ ឈឺចាប់ពេកក្រៃ
នឹងវាសនាទាប ។