**** បានដោយពិបាក ****ផ្សព្វផ្សាយដោយ គេហដ្ឋាន អភិរក្ស មរតកព្រះពុទ្ធសាសនាខ្មែរម៉ិញ សាវ៉ាន / ហ៊ិម ឆាន់ / វ៉ាត ភិរក្ស**** បទពាក្យ ៧ ****ងាយពត់លត់ច្នៃមាសត្បូងពេជ្រ ពីថ្មគគ្រិចទៅភ្លឺថ្លាតែមិនងាយពត់ចិត្តអាត្មា ឲ្យផុតតណ្ហាកាមលោកិយ ។លោភៈទោសៈមារព័ន្ធ ញាំញីជិះជាន់ចិត្តប្រក្រតីព្យុះលោកធម៌ប៉ះយប់ថ្ងៃ ជាហេតុបច្ច័យជាប់ជំពាក់ ។មានតែទានសីលនិងភាវនា ព្រះពុទ្ធមាគ៌ាអមតៈអាចក្តិចកិលេសឲ្យរឹលរាក់ ចិត្តកាយត្រជាក់ជួបសិរី ។ ចិត្តដែលច្នៃបានក្សាន្តផុតទុក្ខរស់នៅជាសុខក្នុងលោកិយ បុណ្យផលរុញច្រានដល់សួគ៌ល័យ អាចជាបច្ច័យជួបនិព្វាន ។ ដោយ ឧបាសក ហ៊ិម ឆាន់ដែករឹងគេពត់លត់ដំបានធ្វើរាងសណ្ឋានតាមចិត្តច្នៃបើចង់ពត់ចិត្តឲ្យប្រពៃយ៉ាកដូចដាំព្រៃលើផ្ទាំងថ្ម ។ចិត្តដែលច្នៃបានក្សាន្តសុក្រឹតសាងតែសុចរិតស្ថិតក្នុងធម៌សុខសាន្តក្សាន្តស្ងប់មិនញាប់ញ័រឆ្លងព្យុះលោកធម៌មិនតក់ស្លុត ។ទានសីលភាវនាត្រៃសិក្ខាមរតកថ្លៃថ្លាព្រះសម្ពុទ្ធនាំចិត្តនិងកាយឲ្យឆ្លងផុតចាកភាពស្មុតទ្រុឌនៃវដ្ដៈ ។ចិត្តដែលលត់បានក្សាន្តសុខាកិលេសតណ្ហារៀវរួញរាក់ក្តិចក្តីហួងហែងជាប់ជំពាក់ឆ្លុះឃើញផ្លូវមគ្គមានមង្គល ។ព្រះពុទ្ធមាគ៌ាផ្លូវត្រង់ត្រូវនាំសត្វដើរទៅឆ្លងបានដល់ផុតកើតផុតស្លាប់ផុតកង្វល់ជួមមគ្គជួបផលដល់និព្វាន !!!!
**** បានដោយពិបាក ****
ReplyDeleteផ្សព្វផ្សាយដោយ គេហដ្ឋាន អភិរក្ស មរតកព្រះពុទ្ធសាសនាខ្មែរ
ម៉ិញ សាវ៉ាន / ហ៊ិម ឆាន់ / វ៉ាត ភិរក្ស
**** បទពាក្យ ៧ ****
ងាយពត់លត់ច្នៃមាសត្បូងពេជ្រ
ពីថ្មគគ្រិចទៅភ្លឺថ្លា
តែមិនងាយពត់ចិត្តអាត្មា
ឲ្យផុតតណ្ហាកាមលោកិយ ។
លោភៈទោសៈមារព័ន្ធ
ញាំញីជិះជាន់ចិត្តប្រក្រតី
ព្យុះលោកធម៌ប៉ះយប់ថ្ងៃ
ជាហេតុបច្ច័យជាប់ជំពាក់ ។
មានតែទានសីលនិងភាវនា
ព្រះពុទ្ធមាគ៌ាអមតៈ
អាចក្តិចកិលេសឲ្យរឹលរាក់
ចិត្តកាយត្រជាក់ជួបសិរី ។
ចិត្តដែលច្នៃបានក្សាន្តផុតទុក្ខ
រស់នៅជាសុខក្នុងលោកិយ
បុណ្យផលរុញច្រានដល់សួគ៌ល័យ អាចជាបច្ច័យជួបនិព្វាន ។
ដោយ ឧបាសក ហ៊ិម ឆាន់
ដែករឹងគេពត់លត់ដំបាន
ធ្វើរាងសណ្ឋានតាមចិត្តច្នៃ
បើចង់ពត់ចិត្តឲ្យប្រពៃ
យ៉ាកដូចដាំព្រៃលើផ្ទាំងថ្ម ។
ចិត្តដែលច្នៃបានក្សាន្តសុក្រឹត
សាងតែសុចរិតស្ថិតក្នុងធម៌
សុខសាន្តក្សាន្តស្ងប់មិនញាប់ញ័រ
ឆ្លងព្យុះលោកធម៌មិនតក់ស្លុត ។
ទានសីលភាវនាត្រៃសិក្ខា
មរតកថ្លៃថ្លាព្រះសម្ពុទ្ធ
នាំចិត្តនិងកាយឲ្យឆ្លងផុត
ចាកភាពស្មុតទ្រុឌនៃវដ្ដៈ ។
ចិត្តដែលលត់បានក្សាន្តសុខា
កិលេសតណ្ហារៀវរួញរាក់
ក្តិចក្តីហួងហែងជាប់ជំពាក់
ឆ្លុះឃើញផ្លូវមគ្គមានមង្គល ។
ព្រះពុទ្ធមាគ៌ាផ្លូវត្រង់ត្រូវ
នាំសត្វដើរទៅឆ្លងបានដល់
ផុតកើតផុតស្លាប់ផុតកង្វល់
ជួមមគ្គជួបផលដល់និព្វាន !!!!